Anna Ýr Sveinsdóttir

GLEÐILEGT ÁR!

2004-01-07T16:18:00.000Z

Nú er komið nýtt ár og þar með ný önn! Nú eru einkunnir að streyma inn og er ég bara sátt við þær niðurstöður sem þegar eru komnar. Ég hef ekki bloggað síðan 5. desember og það verður bara að hafa það. Ég verð að segj að ég bíð spennt eftir einkunninni fyrir námskeiðið Upplýsingatækni og skólastarf, sem ég er að skrifa í bloggerinn fyrir og hanna heimasíðuna.

Læt þetta duga í bili!

Bestu kveðjur frá Svíþjóð,
Anna Ýr

Próf og aftur próf!

2003-12-05T09:20:00.000Z

Jæja þá ... nú er önnin að klárast! Nú er komið að próflestri og ekkert hangs! Ég er að leggja lokahönd á verkefni í þremur fögum og próflesturinn mun að öllum líkindum hefjast um helgina.

Ég verð að segja að mér finnst frekar leiðinlegt að hafa ekki fengið nein skilaboð um að heimasíðan, sem ég hannaði á þessu námskeiði, hafi verið móttekin og skoðuð. Skiladagur var 1. desember og ég bjóst alveg við því að það kæmi skilaboð um að kennari hefði farið yfir hverjir hefðu skilað á réttum tíma og með allt frágengið. Það verður að taka tillit til þeirra sem skila á réttum tíma og reyna að leggja sig fram!

Læt þetta duga í bili!

Bestu kveðjur frá Svíþjóð!
Anna Ýr

Allt komið í lag!

2003-12-02T08:11:00.000Z

Jæja, ég vaknaði í morgun og það fyrsta sem ég athugaði var hvort serverinn væri ekki kominn í lag - það hlýtur að vera fyrst heimasíðan mín sést! Þvílíkt stressandi þegar svona virkar ekki og þá sérstaklega þar sem ég var löngu búin með síðuna mína ... var bara að bíða eftir 1. desember.

Nú er síðan eins og hún á að vera - vona að þetta vesen hafi ekki komið að sök!

Læt þetta duga í bili!

Bestu kveðjur frá Svíþjóð!
Anna Ýr

HVAÐA VANDRÆÐI!

2003-12-01T19:53:00.000Z

ÉG GET SVARIÐ FYRIR ÞETTA - HVAÐ ER Í GANGI! Ég ákvað að fara inn á skilasíðuna mína og athuga hvort það væri nú ekki allt eins og ég vildi hafa það - þá er eitthvað að servernum sem hún er vistuð á og ég er ekki að geta opnað neinar af þeim heimasíðum sem ég hef hannað! Er þetta ekki eitthvað típískt? Þegar kemur að skilum - virkar þetta ekki ... ég vona að þetta komi ekki að sök. Hefðum við hvort sem er ekki fengið frest til miðnættis í dag til að skila þeim? Ég vona heitt og innilega að serverinn verði kominn í lag á morgun - þeir vita ekki hvað þeir eru að gera mér!!!!

Læt þetta duga í bili!

Bestu kveður frá Svíþjóð!
Anna Ýr

Fyrsti í aðventu - og enginn aðventukrans!

2003-11-30T14:51:00.000Z

Fyrsti í aðventu - og enginn aðventukrans. Það kom í ljós að aðventukransinn og aðventuljósið okkar höfðu gleymst heima á Íslandi. Við erum búin að kaupa okkur aðventuljós - en eigum engan krans ... En það ástand! Þetta endar með því að ég kaupi mér bara einhvern tilbúinn ...

Ég fór með syni mínum í bæinn í dag og við sáum jólasveina - jólasveinninn gaf syni mínum tvær litlar gjafir. Hann var ekkert smá ánægður að fá að hitta sænskan "Tomte". Við skemmtum okkur afskaplega vel og enduðum bæjarferðina á McDonalds. Frábær ferð!

Læt þetta duga í bili!

Bestu kveðjur frá Svíþjóð!
Anna Ýr

Persónulegur vefur!

2003-11-28T19:32:00.000Z

Ég skrifaði í bloggið þann 26. nóvember að ég hefði lokið við persónulega vefinn minn - nei nei ...
Í dag fékk ég bréf frá kennara námskeiðsins og þar stóð að það ætti að vera upplýsingasíða á ensku, um mig, og að það ætti að vera starfsferilskrá - hafði ekki heyrt um það fyrr en í dag! Ég setti þetta inn og núna er Persónulegi vefurinn minn tilbúinn! Ég ætla ekki að breyta meiru! Lofa sjálfri mér því!

Læt þetta duga í bili!

Bestu kveðjur frá Svíþjóð!
Anna Ýr

Jólin eru að koma!

2003-11-27T09:34:00.000Z

Jólin eru að koma!
Hér í Skövde er fólk byrjað að skreyta og það eru komnar upp seríur og nokkrir búnir að kveikja á þeim. Við ætlum að setja jólaseríu á þakkantinn, næstu daga, en við ætlum nú ekki að kveikja á henni fyrr en á sunnudagskvöldið. Mér finnst allt í lagi að skreyta svolítið fyrsta í aðventu!

Læt þetta duga í bili!

Bestu kveðjur frá Svíþjóð!
Anna Ýr

Persónulegur vefur!

2003-11-26T09:00:00.000Z

Vildi bara láta vita af því að ég hef lokið við Persónulega vefinn minn. Ég verð að segja að ég er mjög sátt við hann eins og ætla því bara að skila honum svona. Vona bara að þetta sé nógu gott!

Læt þetta duga í bili!

Bestu kveðjur frá Svíþjóð!
Anna Ýr

Bráðum skil á PERSÓNULEGUM VEF

2003-11-25T09:50:00.000Z

Jæja,

Nú eru aðeins nokkrir dagar í skil á persónulegum vef. Ég er búin að bæta vefinn minn aðeins - á aðeins eftir að skrifa aðeins um verkefnin á skilasíðuna. Ég ætla ekki að skreyta vefinn meira - bara betra að hafa allt einfalt.
Ég hef verið að velta fyrir mér hvernig verður gefið fyrir verkefni vetrarins - hvernig ætli Salvör vinni úr þessu?

Læt þetta duga í bili!

Bestu kveðjur frá Svíþjóð!
Anna Ýr

Nú er best að fara vinna meira í heimasíðunni!

2003-11-22T20:45:00.000Z

Nú er komið að því að við fáum að einbeita okkur að heimasíðunni - skil á henni er 1. desember næstkomandi. Ég þarf að vera dugleg að bæta við á skilasíðuna mína - ásamt því að bæta við verkefnin hvernig ég vann þau.

Ég hlakka svo til - við erum að fara með son okkar í bíó á morgun. Þetta er í annað skiptið sem við förum með hann í bíó - fyrsta myndin var Nasses stora film (Gríslingur) og á morgun ætlum við að fara með hann á Hitta Nemo (veit ekki hvað hún heitir á íslensku). Vona bara að hann eigi eftir að skemmta sér.

Læt þetta duga í bili!

Bestu kveðjur frá Svíþjóð!
Anna Ýr

Jæja ...

2003-11-20T17:44:00.000Z

Ég hef ekki mikið verið að blogga á meðan mamma var í heimsókn.

Ég hef ekki bloggaði síðasta laugardag - þegar ég bloggaði þá skrifaði ég ekki inn það sem hafði komið fyrir okkur fjölskylduna þann dag. Ég er fyst að vilja skrifa um það núna. Við lentum nefnilega í umferðaróhappi síðdegis þann dag - þ.e. við vorum aukabíll í bílslysi. Málið er að þennan dag vorum við búin að vera í verslunarferð í bæ sem kallast Jönköping - á leiðinni heim sjáum við hvar traktor er að keyra á akgreininni á móti okkur. Augnabliki eftir að við komum auga á hann skellur bíll aftan á honum, og hefur sá bíll greinilega verið á mikilli ferð. Við þennan árekstur fer traktorinn útaf veginum og lendir á hliðinni úti á akri og bíllinn sem klessti á hann þýtur á liðinnu út á okkar vegarhelming. Við þetta keyrir maðurinn minn útaf veginum og við lendum úti í skurði ... keyrum þar í dágóða stund áður en maðurinn minn nær að stöðva bílinn. Við erum sem betur fer öll ómeidd - en í afskaplega miklu sjokki. Ef maðurinn minn hefði ekki gert þetta værum við örugglega á sjúkrahúsi núna ... og hvað þá maðurinn sem við hefðum keyrt á. Þetta er alls ekki skemmtileg lífsreynsla. Ótrúlegt er að bíllinn okkar er ekki mikið skemmdur - en þó aðeins - og fer í viðgerð 10. desember.

Nú er að taka á sig rögg og byrja að læra ... engin miskun!

Læt þetta duga í bili!

Bestu kveðjur frá Svíþjóð!
Anna Ýr

Vefverkfæri

2003-11-15T22:25:00.000Z

Hér með hef ég sett inn eitthvað um vefverkfæri sem finna má á Internetinu. Veit reyndar ekki hvort þetta sé eins og ætlast var til en ég reyndi þó. Ég skrifaði aðeins um MSN, Kazaa og DC++.

Bestu kveðjur frá Svíþjóð!
Anna Ýr

Mamma komin!!

2003-11-14T16:24:00.000Z

Nú er mamma komin til mín - mikið er gott að fá hana hingað. Það var næstum óraunverulegt að sjá hana stíga út úr lestinni á miðvikudagskvöldið. Við erum búnar að hafa það alveg rosalega notó saman og ég veit að það verður svoleiðis allan tíman sem hún verður hjá okkur!
Ég hef ekki haft mikinn tíma til að vinna í verkefninu sem gera á fyrir þennan tíma - en það er vonandi skiljanlegt!
Við erum að fara á morgun til Jönkjöping, sem er klukkutíma frá Skövde, og ætlum að kíkja á jólin í IKEA og skoða risastóru verslunarmiðstöðina sem er þar hliðin á.

Læt þetta duga í bili!

Bestu kveðjur frá Svíþjóð!
Anna Ýr

Vá ... hvað ég er orðin spennt!

2003-11-11T12:50:00.000Z

Nú er ég orðin alveg rosalega spennt - mamma er að koma á morgun! Nú er allt orðið tilbúið og bara að bíða eftir að morgundagurinn renni upp!

Við ákváðum að bjóða nýjum vinum okkar í mat í kvöld. Við höfum ekkert hitt þau síðan tengdó komu til okkar og því ákváðum við að bjóða þeim áður en mamma kemur.

Læt þetta duga í bili!

Bestu kveðjur frá Svíþjóð!
Anna Ýr

Hæ hó hæ hó!

2003-11-10T12:41:00.000Z

Jæja ... nú eru tengdaforeldrar mínir á leiðinni heim til Íslands. Þau komu í heimsókn til okkar 3. nóvember og það er ekki hægt að segja annað en við höfum brallað alveg rosalega mikið, þennan tíma sem þau hafa verið hjá okkur! Við fjölskyldan keyrðum þau saman niður á lestarstöð í kringum hádegisbilið. Nú verð ég að vera rosalega dugleg að læra næstu tvo dagana því mamma mín er að koma í heimsókn 12. nóvember. Ég er viss um að við eigum líka eftir að bralla alveg heilan helling þegar hún kemur!

Ég verð að segja, í sambandi við skólann, að það er mjög mikið að gera núna. Í sambandi við námskeiðið Upplýsingatækni og skólastarf þá er ég ekki að finna neinar almennilegar upplýsingar um næsta verkefni ... t.d. hvaða veftæki eigum við að skoða og skrifa um? Mér finnst ég vera í frekar lausu lofti eins og er. Mér finnst nauðsynlegt að hafa skýrar leiðbeiningar með verkefnum. Ég leitaði bæði á vef námskeiðsins og á vefspjallinu en ég fann ekkert um þetta verkefni.

Læt þetta duga í bili.

Bestu kveðjur frá Svíþjóð!
Anna Ýr

Ekki bloggað síðan 5. nóvember!

2003-11-09T08:45:00.000Z

Jæja þá!

Ég hef ekki komið inn á bloggið síðan 5. nóvember! Nú hafa tengdaforeldrar mínir verið hjá okkur síðan 3. nóvember og ætla að leggja aftur af stað til Íslands um hádegisbilið á morgun, þ.e. frá Skövde. Við erum búin að hafa það alveg rosalega gott saman! Við erum búin að skanna flest allar búðirnar sem finna má hér í bæ og eyddum öllum gærdeginum í Gautaborg! Það var mjög gaman að koma þangað - skoðuðum okkur örlítið um í miðbænum og fórum svo að skoða jólastemmninguna í IKEA.

Ég hef ekki mikið komist í að læra ... en á morgun og þriðjudag gefst tími áður en næsti gestur kemur í heimsókn, sem er mamma mín!

Bestu kveðjur frá Svíþjóð!
Anna Ýr

bla bla bla ...

2003-11-05T19:14:00.000Z

Jæja!

Héðan frá Svíþjóð er allt gott að frétta! Nú eru tengdaforeldrar mínir komnir í heimsókn og eru á fullu að aðstoða okkur við þá hluti sem við höfum ekki getað unnið í, þ.e. hefur þurft fleiri en okkur til að vinna í. Við erum búin að hafa það mjög gott saman. Syni okkar gengur ágætlega í aðlöguninni, hjá dagmömmunni!
Ég hef aðeins verið að vinna í síðunni minni ... alltaf eitthvað að lagfæra!

Það er best að ég fari að drífa mig ... það er símafundur í enskunni kl. 21 að sænskum tíma (ég er orðin frekar stressuð!).

Bestu kveðjur frá Svíþjóð!
Anna Ýr

Varðandi verkefnaskil!

2003-11-02T21:42:00.000Z

Ég var að velta fyrir mér hvort Salvör,, kennari, tékki ekki á því hvort við höfum skilað verkefnunum á tilsettum tíma ... annars er enginn tilgangur með því.
Ég hef verið að skoða heimasíðurnar hjá samnemendum mínum og það er mjög gaman - flestir eru að gera mjög fínar síður! Í því samhengi var ég að velta fyrir mér hvernig gefið sé fyrir þetta námskeið, þ.e. heimasíðuna og verkefnin.

Svo ég fari nú út í annað en skólamál - þá er sonur minn að byrja í aðlögun hjá dagmömmunni á morgun. Ég er voðalega spennt að fara með hann - hann er nú ekki eins spenntur! Þegar ég sagði honum frá því að hann væri að byrja hjá dagmömmu sagði hann: "NEI TAKK!" Það var nú frekar fyndið!
Svo rétt eftir klukkan sex annað kvöld þá koma tengdaforeldrar mínir í heimsókn til okkar og ætla að vera í viku. Þegar þau eru farin kemur mamma mín og ætlar að vera hér í viku! Nóg að gera í Skövde.

Læt þetta duga í bili!

Bestu kveðjur frá Svíþjóð!
Anna Ýr

Kennsluefni: Vestmannaeyjar - komið á skilasíðuna!

2003-11-01T14:11:00.000Z

Nú er Kennsluefni í PowerPoint: Vestmannaeyjar komð á skilasíðuna mína.
Eins og ég er búin að segja alveg milljón sinnum er ég ekki ennþá komin með ADSL og þess vegna var ég rosalega lengi að opna glærusýninguna mína og wordskjalið. Ég vona að það sé ekki svoleiðis hjá þeim sem eru með ADSL. Ég veit að það er gert ráð fyrir því að þeir sem taka þetta námskeið séu með ADSL - og ég reiknaði svo innilega með því að það væri komið hingað út. Þeir eru sko að taka sér góðan tíma í að vinna við þetta hér í Svíþjóð.

Jæja - vildi bara láta vita að ég er búin að skila báðum verkefnunum sem sett voru fyrir þennan dag!

Bestu kveðjur frá Svíþjóð!
Anna Ýr

Kennsluefni: Vestmannaeyjar

2003-11-01T08:38:00.000Z

Vá vá vá ... ég verða að viðurkenna að ég vissi ekki fyrr en í gær að við áttum að skila bæði Skólaverkefni og Kennsluefni í PowerPoint fyrir daginn í dag! Ég fékk vægast sagt sjokk ...
Ég hafði skrifað 30. október að það væri best að fara byrja á Kennsluefninu, þá hélt ég að það væri fyrir 15. nóvember. Hverju eigum við að skila þá? Hvaða verkefni eru eftir í þessum áfanga?
Ég sat yfir verkefninu í allan gærdag á meðan sonur minn ofnotaði sjónvarpið ... ég skammast mín ... og með þessu kláraði ég verkefnið! Í dag ælta ég að laga smáatriði og verkefnið verður komið inn á skilasíðuna mína í kvöld - undir Kennsluefni: Vestmannaeyjar.
Hvað gerir maður ekki til að skila verkefnum á réttum tíma!

Læt þetta duga í bili!

Bestu kveðjur frá Svíþjóð!
Anna Ýr

Gestir í vændum!

2003-10-31T09:53:00.000Z

Jæja, það verður nóg að gera í Skövde næstu tvær vikurnar. Við eigum von á gestum ... fyrst eru það tengdaforeldrar mínir, sem koma 3. nóvember, og svo er mamma á leiðinni til okkar í vikunni þar á eftir, kemur 12. nóvember.

Það er sko eins gott að ég verði dugleg að læra - það eru svo mörg verkefni rétt á meðan þau eru hjá okkur. Ég verð að vera alveg rosalega dugleg um helgina ...

Læt þetta duga í bili!

Bestu kveðjur frá Svíþjóð!
Anna Ýr

Kennsluefni í PowerPoint!

2003-10-30T13:26:00.000Z

Nú er komið að því að vinna kennsluefnið í PowerPoint. Ég er búin að vera lesa um þetta verkefni á heimasíðu námskeiðsins og á spjallinu. Þetta verður nú eitthvað forvitnilegt! Ég er frekar mikið á reiki um hvernær eigi að skila verkefninu og hvað það eigi að vera langt...

Ég var búin að skrifa hér inn fyrir löngu síðan að ég ætla að gera kennsluefnið mitt á að vera um Vestmannaeyjar. Þetta kemur allt í ljós!

Bestu kveðjur frá Svíþjóð!
Anna Ýr

Skólaverkefni

2003-10-28T11:00:00.000Z

Þetta er nú hreint ótrúlegt! Eftir að ég bloggaði í gær þá liðu ekki nema tveir tímar þar til ég fékk spurningarnar til baka. Ég kláraði Skólaverkefnið í dag og hef nú þegar sett það út áf netið, komið inn á skilasíðuna mína. Það var sko heldur betur gott að ég var búin að gera verkefnið klárt að öllu öðru leyti. Ég kannaði stöðu upplýsingatækni í Hamraskóla, í Grafarvogi. Vona að verkefnið sé í líkingu við það sem til var ætlast!

Bestu kveðjur frá Svíþjóð!
Anna Ýr

jæja!

2003-10-27T13:42:00.000Z

Héðan frá Svíþjóð er allt ágætt að frétta! Verðrið er alveg stórskrýtið - snjór eina stundina og rigning og þrumur hina.
Það er alveg brjálað að gera í skólanum - af hverju talast kennararnir ekki við og reyna að dreifa verkefnunum svolítið? Þetta getur orðið frekar mikið af því góða! Maður lætur sig hafa það en það er frekar óþægilegt að geta ekki aðeins andað á milli verkefna.
Nú er ég a bíða eftir að fá spurningarnar mínar til baka frá viðtökuskólanum - það tekur frekar langan tima að fá þær til baka. Ég næ nú samt alveg að klára þetta verkefni fyrir þann tíma sem er settur, þ.e. 1. nóvember. Ég er búin að gera verkefnið alveg tilbúið í Dreamweaver - á bara eftir að bæta svörunum inn og senda verkefnið út á vefinn.

Ég ætla að láta þetta duga í bili!

Bestu kveðjur frá Svíþjóð!
Anna Ýr

Ég er svo ánægð!

2003-10-23T18:29:00.000Z

Ég fékk alveg rosalega góðar fréttir í gærmorgun ... sonur minn fær pláss hjá dagmömmu. Það er mjög erfitt að fá leikskólapláss og pláss hjá dagmömmu í bænum sem ég bý í. Ég bý í pínulitlum bæ, sem heitir Värsås, sem er í ca. 15 mín fjarlægð frá Skövde. Sonur minn byrjar hjá dagmömmu 3. nóvember n.k. og það verður örugglega mjög gott fyrir okkur bæði - þó sérstaklega fyrir hann. Hann verður að fara komast inn í sænskuna og leika við önnur börn - Það er bara alls ekki gott fyrir börn að vera svona mikið með mæðrum sínum. Nú get ég líka farið að læra sem skyldi - þessa önnina hefur lærdómurinn setið frekar á hillunni en hitt. Ég hef náttúrulega eytt deginum með syni mínum og lært á kvöldin ef ég er bara ekki orðin of þreytt! hmmmmmmm

Jæja nú ætla ég að láta þetta duga í bili!

Bestu kveðjur frá Svíþjóð!
Anna Ýr

Skólaverkefni

2003-10-22T08:55:00.000Z

Fyrir Skólaverkefnið hef ég ákveðið að reyna að fá að taka viðtal við einhvern sem sér um tölvumál eða tölvukennslu í Hamraskóla í Grafarvogi. Ég sendi tölvupóst rétt í þessu og vona að ég fái svar sem allra fyrst um hvort ég megi senda þeim spurningalista. Ég er búin með spurningalistann og þegar ég fæ svarið frá Hamraskóla sendi ég hann um hæl. Svona standa málin hjá mér þessa dagana.

Bestu kveðjur frá Svíþjóð!
Anna Ýr

Halló - halló!

2003-10-20T13:45:00.000Z

Hvað er í gangi með skólaspjallið! Ég vissi ekki að það ætti að vera svona mikið inni á því - ég er búin að senda 5 innlegg en ég er að sjá fólk sem er með 30 og eitthvað innlegg - hvað er í gangi? Ég verð að segja að ég er að reyna að vera eins dugleg í þessum áfanga og ég get - en ég er bara í fleiri áföngum en þessum og hef því bara ekki tíma til að vera alltaf að skrifa eitthvað ... ekki er ætlast til þess - eða hvað? Áttum við ekki bara að taka þátt ef okkur finnst eitthvað vera merkilegt og höfðar til okkar - ég tók þessu a.m.k. þannig!

Bestu kveðjur frá Svíþjóð!
Anna Ýr

U2

2003-10-18T07:56:00.000Z

Vááááá ... Ég var ekkert smá glöð þegar ég var að skoða netið í gær - og rakst á grein um uppáhaldshljómsveitina mína U2. Þetta er örstutt grein en í henni kemur fram að þeir eru komnir langt með næstu plötu - eða nánast bara að klára. Það sem mér finnst hvað frábærast fyrir utan að vera að fá nýja plötu er að samkvæmt Bono, söngvaranum, munu þeir fara á tónleikaferðalag á næsta ári. Þið getið nálgast þessa stuttu grein hér!
Ég fór á Elevation tónleikana árið 2001 - þegar þeir voru haldnir í Slane kastala í Dublin (heimabæ strákanna). Það var ekkert smá gaman! Ég hannaði mjög litla og auðvelda síðu þeim til heiðurs. Þar má finna myndir frá Elevation tónleikunum - hér má skoða þá síðu.

Vildi bara koma þessu á framfæri - ég er svo spennt!

Bestu kveðjur frá Svíþjóð!
Anna Ýr

Hvað er nú að frétta?

2003-10-17T08:09:00.000Z

Það er allt ágætt að frétta héðan - bara alltaf nóg að gera. Ég er að reyna að hugsa hvernig best sé að gera þetta Skólaverkefni. Nú er ég stödd erlendis eins og nokkrir einstaklingar á þessu námskeiði. Ég vildi óska að ég gæti verið í sambandi við einhverja sem eru í sömu aðstöðu og ég. Ætli það sé ekki bara best að auglýsa eftir einhverjum á Skólaspjallinu. Kannski verður bara erfitt að vinna þetta með öðrum - hef ekki minnstu hugmynd!

Ælta að láta þessar vangaveltur duga í bili!

Bestu kveðjur frá Svíþjóð!
Anna Ýr

jæja!

2003-10-14T07:07:00.000Z

Jæja - ég náði að gera meira úr þessu verkefni heldur en það var í raun... Ég hélt að þetta verkefni, þ.e. að kynna sér samskiptakerfi á netinu og að kynna sér "Open Source" hugbúnað, væri í tveimur hlutum. Ekki aldeilis - þetta virkaði bara þannig eins og það var sett upp. Spjallkerfi sem við erum að nota er "Open Source" en ég hélt að við ættum að fjalla eitthvað aðeins meira um það og kynna okkur almennilega hvað "Open Source" væri. Ég ætla nú ekkert að vera velta mér meira upp úr þessu.

Vona að öllum gangi vel með heimasíðurnar sínar!

Bestu kveðjur frá Svíþjóð!
Anna Ýr

Helgin búin...

2003-10-13T08:25:00.000Z

Nú er helgin búin og best að fara að snúa sér að verkefnum vikunnar. Ég verð að segja eins og er að ég er ekki alveg að fatta hvað við eigum að gera við "Open Source" verkefnið ... ég skrifaði örlítið um það í gær. Þarf bara að fá það á hreint ... hvað eigum við nákvæmlega að gera og eigum við að skrifa um það inn á Blogger? Ég fór inn á vef námskeiðsins og þar stóð bara að þessi síða væri í vinnslu og þess vegna veit ég bara ekkert hvað ég á að gera ...

Bestu kveðjur frá Svíþjóð!
Anna Ýr

"Open Source" hugbúnaður

2003-10-12T12:59:00.000Z

Ég hef aðeins verið að skoða "Open Source" hugbúnað. Þegar talað er um "Opin Scorce" hugbúnað þá fylgir alltaf forritunarkóðinn með og það mega allir breyta honum. Frægasti "Open Source" hugbúnaðurinn er án efa Linux.

Ef ég kemst að einhverju nýju um "Open Source" hugbúnað - þá skrifa ég bara um það síðar. Vildi bara koma þessu frá mér.

Bestu kveðjur frá Svíþjóð!
Anna Ýr

hmmmm...

2003-10-11T08:16:00.000Z

Jæja, nú er ég búin að skrá mig inn á vefspjallið - gerði það reyndar í fyrradag. Nú er bara komið að því að skrifa eitthvað þarna inn.
Ég var að velta fyrir mér hvort við færum ekkert inn á spjall - þar sem við getum spjallað í beinni og aðeins fengið að kynnast hvert öðru? Kannski er það alltof mikið mál. Ég þekki MSN rosalega vel og nota hann á hverjum einasta degi. Mér finnst MSN alveg frábært samskiptakerfi - kunni vel að meta það þegar ég bjó á Íslandi en núna er þetta hreint æðislegt að geta verið í beinu sambandi við fjölskyldu sína og vini.

Ég verð að játa að ég er ekki ennþá komin með hraðvirka tengingu - er ennþá á módemi. AARRRGGGG! Þeir sem sjá um internetþjónustuna á okkar svæði - eru alltaf að fresta þessu! Ég vona bara að ADSL-tengingin komi sem allra fyrst!

Bless í bili!

Anna Ýr

Samskiptakerfi á netinu...

2003-10-07T11:43:00.000Z

Jæja. nú er komið að því að kynna sér samskiptakerfi á netinu. Ég er mjög vön msn og nota hann daglega - og síðan ég byrjaði í fjarnámi þá hef ég mikið verið í sambandi við skólafélaga mína og við höfum meðal annars unnið hin ýmsu verkefni saman í gengum hann. Það er ekkert mál að vinna hópverkefni í gegnum msn.
Það verður því spennandi að kynnast nýjum samskiptakerfum á netinu...

Bless í bili!

Anna Ýr

Staðfesting á því að verkefnum hafi verið skilað á réttum tíma!

2003-10-03T19:44:00.000Z

Jæja, ég var að velta fyrir mér hvort við myndum ekki fá staðfestingu á því að verkefnunum hafi verið skilað á tíma. Mér fannst voðalega gott að fá það eftir fyrsta verkefnið sem ég skilaði. Ég skil reyndar ef það tefst núna því síðast var þetta bara eitt verkefni en núna eru þetta tvö verkefni og svo tillaga að persónulegum vef (ef við erum ekki byrjuð á honum nú þegar).

Ég vona bara að staðfestingin ásamt smá umsögn komi fljótlega. Eins og ég segi fannst mér þetta voðalega þægilegt að fá þetta síðast - bara viðurkenning að maður er að skila réttum verkefnum á réttum tíma.
Hér er slóðin á heimasíðuna mína: http://www.josi.is/ansvein

Jæja, best að halda áfram að vinna í enskunni!

Bestu kveðjur frá Sverige,
Anna Ýr

Bíddu nú við!

2003-09-30T19:06:00.000Z

Ég er eitthvað að misskilja ... áttum við bara að setja inn drög að öllum þessum verkefnum, þ.e. tæknisögu, vefleiðangri og persónulegum vef, inn fyrir mánaðamót? Ég er svoleiðis búin að leggja mig fram að klára öll þessi verkefni. Á ekki alltaf að skila verkefnum tilbúnum á skiladögum? Nú er ég alveg hætt að skilja ...
Ég verð bara að hugsa þetta þannig - ég er þá bara búin með þau!

Læt þetta duga í bili,

Anna Ýr

Vefleiðangurinn kominn á sinn stað!

2003-09-30T08:18:00.000Z

Jæja, nú hef ég lokið við Vefleiðangurinn minn og hef nú þegar sett hann inn á persónulega vefinn minn. Vefleiðangurinn minn er um Svíþjóð. Ég vona að þetta sé í samræmi við það sem Salvör vildi.
Ef þið viljið skoða persónulega vefinn minn er hann hér, og verkefnin mín eru öll á skilasíðunni.
Ef þið kíkið inn - ekki vera feimin við að skrifa í gestabókina mína!

Læt þetta duga í bili!

Bestu kveðjur frá Sverige,
Anna Ýr

Vefleiðangur...

2003-09-29T08:39:00.000Z

Ég á alls ekki mikið eftir af Vefleiðangrinum mínum - málið er að ég er ekki viss hversu nákvæmur hann á að vera. Ég er búin að fara eftir öllum leiðbeiningum og á bara eftir að gera niðurstöðurnar. Mikið búin að spá í hvort ég sé á réttri braut.

Svo ég tali nú um eitthvað annað en skólann þá verð ég að segja að ég er svo stolt af syni mínum. Við erum að venja hann af bleiu og hann er búinn að vera næstum alveg þurr alla helgina, reyndar verið með bleiu á næturna. Ég er svo stolt af honum! Ég hannaði heimasíðu handa honum og hún er hér.

jæja, læt þetta duga í bili!

Bestu kveðjur frá Sverige,
Anna Ýr

Blogg!

2003-09-26T19:17:00.000Z

Jæja, ég sá að Salvör, kennari, hafði skrifað bréf. Í bréfinu sagði hún okkur að setja Tæknisöguna okkar inn á Bloggið. Tæknisagan mín er það löng að ég bendi bara á Persónulega vefinn minn - hef þegar sett hana þangað inn. Hér er slóðin á hann - http://WWW.josi.is/ansvein - veljið Skilasíða og þar undir sjáið þið Tæknisöguna.

Vona að það sé nóg að benda bara á slóðina ...

Bestu kveðjur frá Sverige,
Anna Ýr

Ekki mikið að frétta af mér...

2003-09-24T19:47:00.000Z

Héðan er ekki mikið að frétta ... ég er búin að setja Tæknisöguna mína inn á Persónulega vefinn minn. Kannski er hún of tæknileg - ég veit það ekki...

Bestu kveðjur frá Sverige,
Anna

Persónulegi vefurinn minn kominn á Netið!

2003-09-23T12:28:00.000Z

Jæja, ég ákvað að skella Persónulega vefnum mínum á Netið. Ég á enn eftir að gera nokkrar smávægilegar breytingar á honum og svo á ég auvitað eftir að setja inn verkefnin mín, geri það bara jafnóðum. Reyndar setti ég Vefrallýið mitt inn á Skilasíðuna.
Ef þið viljið kíkja á síðuna mína þá er hún hér, eða þið getið slegið inn slóðina http://www.josi.is/ansvein.

Ef þið kíkið inn skrifið þá endilega í gestabókina - ekki vera feimin!

Bestu kveðjur frá Sverige,
Anna

Breytt útlit á bloggernum mínum!

2003-09-22T09:07:00.000Z

Síðustu daga hef ég verið að breyta útlitinu á bloggernum mínum og nú er ég orðin bara þónokkuð sátt við hann. Gat ekki hugsað mér að hafa hann í þessum appelsínugula lit... :)
Ég hef líka sett inn mynd af sjálfri mér!

Nú er komið að því að fara að vinna í vefleiðangrinum og tæknisögunni. Ég hef bara ekki haft tíma til þess fyrr - því það er brjálað að gera í enskunni! ÚFFFF!

Bestu kveðjur frá Sverige,
Anna

Best að blogga smá!

2003-09-18T18:46:00.000Z

Jæja, það hefur verið þónokkuð að gera í lærdómnum hjá mér síðustu daga. Ég þarf að vera duglegri að koma inn og blogga svolítið. Ég hef bara haft svo lítinn tíma og ofan á það kemur að ég er ennþá á módemi. Ég hringdi í fyrirtækið sem ætlar að setja upp ADSL, heima hjá mér, og þá frétti ég að það væri bilun í sendinum og það tæki aðrar 3 - 4 vikur að fá ADSL. Þvílík hörmung. :(

Ég var að skoða að næstu verkefni sem á að skila í Upplýsingatækni og skólastarf eru: Vefleiðangur, Tæknisaga og drög að Persónulegum vef. Ég hef verið að vinna í Persónulega vefnum mínum og er bara komin þónokkuð langt með hann. Ég er bara enn að velta fyrir mér hvert ég eigi að setja hann - ætli við fáum pláss á KHÍ- server eða á ég að setja hann á lénið sem við hjónin eigum??? Þetta er stór spurning???

Læt þetta duga í bili!

Bestu kveðjur frá Sverige,
Anna

Hugleiðing um kennsluefni í PowerPoint!

2003-09-14T21:39:00.000Z

Jæja, nú er komið að því að huga að kennsluefni í PowerPoint ... ég hef mikið verið að velta því fyrir mér hvaða efni ég ætti að taka. Eftir mikla umhugsun held ég að það verði um Vestmannaeyjar. Maðurinn minn er þaðan og ég þekki Eyjarnar orðið þónokkuð vel. Ég held að þetta geti orðið mjög skemmtilegt og sniðugt verkefni. Ég hef ekki ákveðið neinn aldurshóp ennþá - þarf að kynna mér betur í hvaða bekk farið er í Ísland (þá í landafræði).

Eins og ég segi þá er þetta það efni sem mér finnst hvað mest spennandi. Vona samt að þetta sé nú ekki endanlegt ... ef ég dett niður á eitthvað sem er kannski ennþá sniðugra ...

Læt þetta duga í bili!

Bestu kveðjur frá Sverige,
Anna

VEFRALLÝ

2003-09-14T20:38:00.000Z

VEFRALLÝ
Hestar

Höfundur:
Anna Ýr Sveinsdóttir, kt. 290179-4329

Fyrir:
Nemendur í 7. bekk grunnskóla

Verkefnið:
Hér að neðan eru nokkrar krækjur inn á heimasíður tengdar hestum og hestamennsku. Þú átt að nota þær til að svara 13 spurningum tengdar þeim. Spurningarnar eru hér á næsta blaði.
Í þessu verkefni ætlum við að kynnast hestum betur og spurningarnar munu marka uppahafið að kynnum okkar af þeim.

Krækjur:
Íslenski hesturinn:
http://www.ismennt.is/not/hbrynj/hestar/sagan.htm
Fróðleikur:
http://hestar847.is/krakkavefur/?mode=frodleikur
Hestamannafélög:
http://www.sorli.is/fr%C3%B3%C3%B0leikur.htm
Saga hestsins (á ensku):
http://www.imh.org/imh/exh1.html
Hestategundir heimsins (á ensku):
http://www.ansi.okstate.edu/breeds/horses/

Ábendingar:
Æfðu þig í að skrifa svörin sem heilar setningar, það kemur sér vel ef þú þarft að skrifa skýrslu eða ritgerð.
Lestu vel í gegnum allar spurningarnar áður en þú byrjar að svara þeim.
Mundu að skrá alltaf hjá þér heimildir. Hafðu þessa spurningu í huga: „á hvaða vef fannstu svarið?“
Ef þú finnur eitthvað áhugavert á einhverjum öðrum vef eða undirvef mundu þá eftir því að skrá hjá þér slóðina, setja hana inn í „favorite“ eða „bookmark“.
Reyndu að setja allt upp á myndrænan hátt.

Spurningarnar:
Öll svörin við spurningunum, hér á eftir, má finna í krækjunum hér að ofan.
1. Hvað eru til margar tegundir hesta í heiminum?
2. Hversu hár er hæsti hesturinn?
3. Hversu hár er lægsti hesturinn?
4. Hver er aðalfæða hesta?
5. Hvaða reiðtygi eru notuð á hesta?
6. Hvað eru húsin, sem hestar eru geymdir í, kölluð?
7. Hversu mörg eru litbrigði íslenska hestsins?
8. Eru til sérverslanir með hestavörur á Íslandi? Ef svarið er já nefndu þá a.m.k. eina.
9. Hvað eru til margar tegundir hesta á Íslandi?
10. Hvaða gangtegund hefur íslenski hesturinn fram yfir aðrar hestategundir?
11. Eru íslenskir hestar útflutningsvara?
12. Hversu mörg hestamannafélög eru á Íslandi?
13. Eru gefin út sérstök tímarit fyrir hestamenn? – ef svo skaltu koma með a.m.k. eitt dæmi.

Verkefnaskil á mánudaginn!

2003-09-11T12:35:00.000Z

Nú er komið að því að skila Vefrallýinu á mánudaginn og drögum að Kennsluefni í PowerPoint. Ég er að verða búin með Vefrallýið. Ég er bara ekki að fatta hvernig við eigum að skila því. Það hlýtur að koma í ljós - eða ég hlýt bara að finna út úr því. Vona bara að ég sé á réttri leið með verkefnin mín.

Vona að ykkur gangi öllum vel!

Kveðja frá Sverige,
Anna

Hej Island

2003-09-10T18:49:00.000Z

Jæja, það er frekar erfitt að þurfa að vera setja eitthvað inn á bloggerinn þegar maður hefur ekkert að segja... ég ætla þá bara að segja ykkur frá því að tendaforeldrar mínir og vinir þeirra eru hérna hjá okkur í heimsókn. Þau komu síðasta sunnudag og verða hjá okkur líklegast fram á föstudag og þá kemur fjölskyldan mín í heimsókn. Nóg að gera!

Nú er námið komið á fullt ásamt hinu daglega lífi hér í Sverige!

Bestu kveðjur,
Anna

HEJ ISLAND!

2003-09-06T19:39:00.000Z

HEJ - Nú erum við fjölskyldan búin að koma okkur þokkalega vel fyrir hér í Sverige. Nú er ekki seinna vænna að koma sér almennilega inn í námið - búin að vera rétt að kroppa í það - heimilið hefur gengið fyrir síðustu viku.

Bless í bili!

Kveðja frá Sverige,
Anna

Hæ hó!

2003-09-03T20:46:00.000Z

Hæ hó!

Nú er aðeins betra hljóðið í mér ... gámurinn kom í gær og við fjölskyldan erum búin að vera á fullu að taka upp úr kössum og koma heimilinu í stand. Vá hvað það er gott að fá dótið sitt!

Nú sé ég fram á bjartari tíð! :-) Ég held að það sé alltaf erfitt að koma sér inn í nýtt land - þegar maður er að byrja að læra á kerfið og svoleiðis - en eftir það verður þetta örugglega frábært!

Læt þetta nægja í bili!

Kveðja,
Anna í Sverige

Alltaf er ég jafn heppin!

2003-08-31T21:13:00.000Z

Alltaf er ég jafn heppin!

Ég verð að segja ykkur það sem hefur verið að gerast hjá mér síðustu dagana og dæmið sjálf! Þegar við lögðum af stað til Svíþjóðar var okkur tilkynnt að við fengjum gáminn okkar í síðasta lagi laugardaginn 30. ágúst. Á föstudaginn var okkur svo tjáð að að hann hefði tafist í tollinum og við fáum hann líklegast ekki fyrr en á þriðjudaginn. Sama dag og þetta kom í ljós þá fengum við að vita að ekki væri hægt að fá annað en módemtengingu því að verið er að setja upp ADSL- en hún verður ekki komin í hús fyrr en eftir mánuð, í fyrsta lagi! Þvílík óheppni! :-(

Jæja - þarf að hætta þessu blaðri - símreikningurinn tikkar!!!

Bæjó!

Anna í Sverige :-(

Leikjavefir á netinu!

2003-08-30T15:43:00.000Z

Í þessu verkefni áttum við að skoða nokkra leikjavefi á netinu. Ég skoðaði þrjá vefi, einn enskan og tvo íslenska.

Fyrsti vefurinn sem ég ætla að fjalla um er Disney.com. Vefurinn er frábærlega skemmtilegur og þar má finna margt bæði skemmtilegt og fróðlegt. Ég mæli með þessum vef fyrir öll börn sem byrjuð eru að læra ensku.
Annar vefurinn sem ég ætla að fjalla um er Krakkanetið, sem er kristinlegur vefur. Þar má finna brandara og gátur og er því alveg ágætis skemmtun. Síðasti vefurinn sem ég ætla að fjalla um heitir Krakkavefurinn. Þennan vef má finna á Vísi og þar undir krakkar. Þessi vefur er mjög vel uppsettur og skemmtilegur að mínu mati. Þar má meðal annars finna leiki & skemmtun, litabók, spjall og uppskriftir svo fátt eitt sé nefnt.
Eftir að hafa skoðað þessa vefi þá get ég ekki sett neitt slæmt út á þá, ef ég verð að segja eitthvað þá fannst mér Krakkanetið vera einna síst.

Læt þetta duga í bili um Leikjavefi á netinu!

Bestu kveðjur,
Anna í Sverige

Vefir fyrir kennara!

2003-08-29T20:30:00.000Z

Jæja þá er komið að því að fjalla um vefi fyrir kennarar. Kennarar eiga að geta leitað á þessa kennsluvefi sér til frekari fróðleikst eða til að nota þá sem kennslutæki.
Ég fann einn stóran kennsluvef, sem hægt væri að kalla Kennsluvefir því hann inniheldur marga aðra vefi sem fróðlegt getur verið að skoða. Vefurinn tekur yfir fjölmargar kennslugreinar, þ.e. íslensku, stærðfræði, náttúrufræði, dönsku og ensku (þó svo að það sé ekki mikið komið inn í ensku, vonum bara að það eigi eftir að bætast við sem fyrst). Vefurinn er fróðlegur og þar má finna marga og skemmtilega vefi bæði til fróðleikst og kennslu.
Aðrir vefir fyrir kennara eru t.d. UT fyrir framhaldsskóla, sem er vefur um upplýsingatækni og bara flest það sem kemur tölvum og tölvukennslu við. Annar vefur um upplýsingatækni er t.d. Kennari.is.
Hér að lokum er svo stór vefur sem er ætlaður öllu skólakerfinu, hann nefnist Menntagátt. Þetta er frábær vefur og þar má finna nær allt það sem manni dettur í hug - þá tengdu skólakerfinu.

Læt þetta duga í bili um vefi fyrir kennara!

Bestur kveðjur,
Anna í Sverige

Allt í mínus!

2003-08-28T21:01:00.000Z

Nú er ég komin til Skövde, þar sem ég á eftir að búa næstu árin. Ég er ennþá að bíða eftir því að fá Netið heim til mín og það getur víst orðið einhver bið á því. Ég vona bara að ég sé ekki komin langt á eftir. Ég er að reyna eins og ég get að fylgjast með og vinna verkefnin mín, þó það gangi nú frekar hægt, þar sem ég kemst ekki svo auðveldlega á Netið hér.

Læt þetta duga í bili!

Kveðja,
Anna

Nu er eg komin til Sverige

2003-08-22T20:03:00.000Z

Komid oll sael og blessud!

Nu er eg loksins komin til Sverige. Eins og thid sjaid er eg ekki komin med tolvuna mina og fae hana liklegast ekki fyrr en eftir ca. viku.

Nuna er eg hja fraenda minum, sem byr i Lundi, og verd hja honum thangad til a sunnudaginn en tha leggjum vid fjolskyldan af stad til Skovde. Skovde verdur heimabaer okkar naestu arin. Eg aetla ekki ad hafa thetta lengra i bili.

Bestu kvedjur til ykkar allra!

Hrefnuveiðar Íslendinga

2003-08-18T13:23:00.000Z

Nú er allt að verða brjálað, Íslendingar byrjaðir að veiða hvali og hvalaskoðunarfyrirtækin eru ekkert ánægð með þetta. Svo er líka frétt um hvalveiðar Íslendinga á BBC fréttastöðinni.

En hvalveiðar voru stundaðar frá fornu fari á Íslandi. Það er til Hvalavefur sem byrjaði einmitt sem verkefni hjá Kennó.

(Salvör Gissurardóttir samdi)

Anna Ýr Sveinsdóttir

2003-08-18T13:09:00.000Z

Ég heiti Anna Ýr Sveinsdóttir og ég er nemandi á 5. misseri, fjarnámi, við KHÍ.
Ég er gift (20.07.2002) og á einn strák sem er 2 1/2 árs gamall (f. 08.01.2001) þið getið séð mynd af honum hér fyrir neðan. Ég hannaði heimasíðu honum til heiðurs og hér er hægt að sjá afraksturinn. Ég er að flytja, ásamt fjöslyldunni, til Svíþjóðar næstkomandi fimmtudag (21.08.2003) og ég er orðin alveg rosalega spennt.

Þetta er sonur minn Þórarinn Sigurður

2003-08-15T15:08:00.000Z

Hann fæddist 8. janúar 2001

Æfing við tengingar

2003-08-15T14:54:00.000Z

Kennarinn okkar, hún Salvör, bað okkur um að setja inn eftirfarandi þrjá vefi. Fyrsti vefurinn heitir Friendster og er samskiptavefur. Hér er umræðuvefur sem heitir Málefnin. Hér að lokum er svo vefur sem heitir Einkamál sem er stefnumótavefsíða - allt voðalega skemmtilegt og spennandi!

Upplýsingatækni og skólastarf

2003-08-15T14:37:00.000Z

Jæja! Nú er námskeiðið Upplýsingatækni og skólastarf komið á fullt. Rosalega spennandi! :-)

Frá kennara!

2003-08-15T06:13:00.000Z

Prufa